|
في القسم غير محدد
* قانون الاصطفاف *
إذا أنت صاف في طابور بطيء وقمت بتغييره
الطابور اللي غيرته فجأة يصير أسرع من اللي أنت واقف فيه
[ بجد هذا الشيء يصير لي دائماً .. أحس العلة دائماً مني .. هههههه  ]
* قانون التلفون *
عمرك ما تتصل على رقم غلط ويطلع مشغول
[ وأنا أقول العالم تتصل فيني ودائماً غلطانه  ]
* قانون التصليح *
إذا كنت تشتغل ويدينك مليانه زيت وشحم .. أكيد خشمك بيحكك في هاللحظة ..
[ هذي ما تجيني إلاّ إذا كان فيه عزيمة وقدامك مفطحات  ]
* قانون المعدات *
إذا طاح من يدك شيء .. تأكد إنه راح يطيح في مكان صعب إنك توصل له ..
[ اوووه عاد هذا شيء ثاني .. مرة طاح عليّ غطاء الرديتر .. واحنا مسافرين للباحة .. طاح عند المروحة .. وبعد طلعة الروح والجروح اللي جنيتها في يدي حتى طلعته .. ويا شين اللقافة ..  ]
* قانون الأعذار *
إذا تأخرت عن الدوام وقلت لمديرك إنك مبنشر .. تأكد إنه بتبنشر بكره صحيح ..
[ هذا إلى الآن ما جربته .. ههههه ]
* قانون المغطس *
إذا بديت تتوضأ أو تتروش .. تأكد إن جوالك راح يبدأ يرن ولا يقفل ..
[ عاد هذا معي يصير زي سلام عليكم ..  ]
* قانون الالكترونيات *
إذا أخذت جهاز عند مصلح تبي توريه إنه ما يشتغل .. تأكد أنه راح يشتغل ولا كأن فيه شيء ..
[ هذا حصل معي مرة وحده .. في محل كمبيوتر .. أنواع الالوان في الوجه ..  ]
* قانون الشاي *
أول ما تسوي كأس شاي .. تأكد إن رئيسك بيتصل فيك أو يعطيك شغله ما تخلصها إلا والشاي برد ..
[ عاد هذا شيء وزعل العامل عندنا بالمؤسسة شيء ثاني .. الصبح اطلب منه كأس شاي .. يسويه ويجيبه لي وشوي الا تبدأ اتصالات المدير والموظفين وبعض الاحيان ناس من بره .. ويبرد الشاي وانا مدري عنه .. وانادي العامل يغيره وهو زعلان [ ليه ما فيه يشرب مدير ] .. هههههه  ]
* قانون المصادفات *
إذا كنت ما تبي أحد يشوفك .. تأكد كل اللي يعرفونك بيطلعون لك من كل مكان
[ اسمع انه يحصل هالشيء وخاصة اذا ما تبي المدير يشوفك وانت تفطر بالمكتب .. ههههه ]
منقول من سبيس جندبي http://www.jandbi.com/wp/
تعليق بدون عنوان
* قانون المصادفات *
إذا كنت ما تبي أحد يشوفك .. تأكد كل اللي يعرفونك بيطلعون لك من كل مكان
[ اسمع انه يحصل هالشيء وخاصة اذا ما تبي المدير يشوفك وانت تفطر بالمكتب .. ههههه ]
وهذا بالضبط اللي يصير لي
صفحتك جميلة وكيوتة
موفقين إن شاء الله
خلف خلاف00
ليس كل مايتمني المرء يدركه00
تأتي الرياح بما لا تشتهي السفن00
00
تحياتى
|